Ranar Hausa

Ranar Hausa Ta Duniya Inda Gizo Yake Saƙarsa: Hausa Ci Gaban Mai Ginan Tukwane Ko Ci Gaban Mai Haƙar Rijiya? 26/08/2023 Shin wannan ba son uwar dawa kawai ake yi wa harshen Hausa ba, har ma da romon baka. Akwai rubuce-rubuce da yawa da aka yi cikin harshen Hausa da suka haɗa da: Rubutattun waƙoƙin Hausa Waƙoƙin baka Rubutattun waƙoƙi na zamani Waƙoƙin baka na zamani Rubutaccen wasan kwaikwayo Wasan kwaikwayo na rediyo da na talabijin da na kuma bidiyo Wasan kwaikwai mai JERENGIYA (mai goyo ko mai dogon zango) Jaridu da mujallu na Hausa Gidajen rediyo da na talabijin da ake gudanar da su da Hausa Jami’o’i da kwalejin ilimi da na kwalejin kimiyya da fasaha da ake nazarin Hausa Sai dai wa ke karantar Hausa a mataki na JAMI’A ko KWALEJIN ILIMI ko KWALEJIN KIMIYYA DA FASAHA? Wa ke so ɗansa ya karanta Hausa a kowane irin mataki? Me ya sa a lokacin ɗaukar jarrabawar SAKANDERE yaranmu ba sa so su sanya Hausa a cikin jerin takardun da suke so su rubuta? Me ya sanya a swance ko aka zare harshen Hausa daga zama farilla waƙi’a a SAKANDARE zuwa matakin sai ka ga dama? Wanda bai ga uwaba ba ina zai tambayi kaka? Wanda bai rubuta jarrabawar Hausa ba a sakandare yaushe ne zai ce yana son Hausa ko yana son ya karanta Hausa a mataki na gaba da sakandare? Shin idan aka ƙara wasu shekara ashirin nan gaba yaya matsayin masu nazarin Hausa zai kasance a wannan lokacin – rage yawa za su yi ko ƙara yawa? Sarki Falama Ranar Hausa Ta Duniya 26/08/2023