Sarki Falama

An kashe ma Baga mazurunai, Anka canye naman ba a ’yam mai ba. Mis sa kunka canye naman ba ku ’yam min ba, Suka ce sun ci sun ji naman zad daɗi. An kashe ma Baga mazurunai, Anka canye naman ba a ’yam mai ba. Da sunka canye naman ba ku ’yam min ba, Sunka zo da hanunsu zam masƙi. An kashe ma Baga mazurunai, Anka canye naman ba a ’yam mai ba. Da sunka canye naman ba ku ’yam min ba, Sunka ɗora tutun shi zaw wari, An kashe ma Baga mazurunai, Anka canye naman ba a ’yam mai ba. Ko da na’ ishe har sun yi kawa, Ga kitse shina ba da ɗab ɗab ɗab, Can cikin wuta ya ɗora con con con. An kashe ma Baga mazurunai, Anka canye naman ba a ’yam mai ba. Ya sato gari ya kawo, Na ci nai ƙiba kuma nai ƙarfi, Baga ga shi an kashe mini mazuruna, Baga ga ni ba ƙiba kuma ba ƙafi, Ku dubi duk awazzaina fili. An kashe ma Baga mazurunai, Anka canye naman ba a ’yam mai ba. An kashe ma Baga mazurunai, Anka canye naman ba a ’yam mai ba. Jafaru Baga Gumi 1993 Science Farfaru Sokoto

Adam A. Zango Sarkin Zazzau Hanjin Jimina Sanƙira : Gyara kimtsi, : Gaba salamun baya salamun. : Hadari sa gabakanka inda kake so Yariman Mawaƙa, : Mu je zuwa, aha! Jagora: Adam Zango mai gari, : Yaro ne adon gari, : O’o o, o’o o, oo, Sanƙira: Toh, toh, to! Amshi: Ga kambun mafarauta, : Dogon barde hancin giwa. Jagora: Ga mai darajar farko matsayi, : Sarkin Zazzau hanjin jimina, Karɓi: Kowa ya ci sai ya lalace, : Matsayinka daban babban sarki. Jagora: Kai duk tsananin ramar doki, Karɓi : Kofato na nan bai ramewa, : Haka Rabbi yake aje hikimarsa, Jagora: To ga Sarkin Zazzau, : Shehu Idiris mai takalman ƙare, : Toh, Amshi: Ga kambun mafarauta, : Dogon barde hancin giwa. Jagora: Ga mai darahar farko matsayi, : Sarkin Zazzau hanjin jimina, Karɓi: Kowa ya ci sai ya lalace, : Matsayinka, Jagora: Um! Karɓi : Daban babban sarki. Jagora : Ga mai ƙarfi Dagacin mutuwa, Karɓi : Sankace da maciji dauji kar, : Sarkin Zazau tafiya sannu, Jagora : Um! Karɓi ...

Gudu da mai ruwa,  ba ya hana jin      ƙishirwa.  Hankali alƙalin jiki.  Kulkin da aka hori giwa da shi, idan aka hori san gida da shi sai yanka.  Duk gyangyaɗin kunama,  ba da garaje akan kai hanu a taɓa ta ba.  Gurgu yana gani akan sari ice a buge shi da shi.  Farar riga ba ta shafa wa 'yar'uwarta shuni.  Ko biri ya zama wawa,  ba ya yi wasa da itaciyar ƙaya ba.  Da kaɗa-kaɗan matankaɗi kan shiga gora.  Karen aro karen banza ko an iza shi ba ya kama nama ba.  Girma ya faɗi raƙumi ya shanye ruwan kaji,  ya ce ba girma ba ne ya faɗi ba a dai kyauta ba ne.  Tsaurin ido, neman bashi wurin wanda ke binka ba shi.  Duk girman ido,  ba ya kallon ƙeyansa.  Hanci bai san daɗin gishiri ba.  Rumbun kwaɗayi,  da baƙin ciki yake cika.  Duk son a saya na ɗan ga-ruwa,  ba ya bi layin da ake gobara ba.  Ba abin murna ba ne,  kaza ta ga ana jan hanjin 'yar'uwarta...

Aiki da hankali ya fi aiki da agogo:  Akwai wani baƙo da ya taɓa ziyartar wani Sarki, sai kullum ya zo fada ya zauna in an tashi ya tashi ya tafi. Rannan sai Sarki ya ce da shi wai kai meye aikin ka? Sai baƙo ya ce shi aikinsa, shi ne aiki da hankali!  Sarki ya ce ni ko ina so ka yi mani aiki da hankali. Baƙo ya ce shi ke nan. Aka kwashi watannan Sarki bai ga ya ce da shi komai ba, har Sarki ya gaji ya tambaye shi. Sai mai aiki da hankali ya ce, idan na yi ma aiki da hankalina za ka sa akashe ni ne! Sarki ya ce  aikin banza daga kawai ka yi abin da na saka sai in sa a kashe ka? Ina nan ina jirar ka ka yi aikin da hankalin naka.  Sarki ya takura wa ma aiki da hankali sai mai aiki da hankali ya ce, to, a tara malamai. Sarki ya rantse da cewa duk abin da ya faɗi ba zai  yi masa komai ba. Sarki ya sa aka tara Malamai ya yi rantsuwa a kan cewa duk abin da mai aiki hankali ya faɗi bai da wata uƙuba.  Sai mai aiki da hankali ya ce, ran nan muna zaune k...

YADDA SARKI FALAMA YA RASA DALOLINNSA NA YOUTUBE I Tambaya:   Za mu so mu ji sunan baƙon namu duk da cewa sananne ne? Falama: Sunana Muhammad Bello Falama wanda aka fi sani da Sarki Falama a dandalin Facebook ko zaurena na sarkifalamablogspot.com ko a Twitter ko a Linkedin. Ɗalibin digirin MA ne a African Literature a Sashen Harsuna Da Al’adun Afirka a Jami’ar Ahmadu Bello da ke Zariya. Tambaya:  Sarki Falama ke nan; Digirin Em’en nan fa Masters yake nufi.  Sarki muna yi maka fatan alheri da kuma fatan kammalawa cikin nasara.  Ga waɗanda ba su sani ba Sarki Falama shi ne mamallakin shafin nan na Facebook da ake kira HAUSA KARIN MAGANA  – har wa yau; shi ne mamallakin zauren nan na sarkifalamablogspot.com mai suna SARKI FALAMA da yake kawo mana abubuwan da suke na Hausa da Hausawa  kuma kankat shi ne mamallakin tashar nan ta YouTube da ake kira FALAMA TV  WANDA A YAU ZA MU TATTAUNA NE DA SHI A KAN WAƘOƘIN MAWAƘANMU NA DAURI DA YAKE SHIFTAR...

YADDA SARKI FALAMA YA RASA DALOLINNSA NA YOUTUBE II Tambaya:  Falama kwana biyu ya batun YouTube? Falama:  YouTube ana nan ana ba da himma. Tambaya: Kwanaki da yawa masoya sun ji ka shuru a tashar FALAMA TV, ba waƙa sannan ka fara sanya wani fim na HAUSA COMEDY mai suna GIDA ƊAYA amma kuma sai aka ji shuru? Falama: Sawun giwa ne ya take na raƙumi. Ka san duk cinikin da kake yi wata rana ka sa ran faɗuwa; ko a kasa ba a sayar ba. Batun Falama TV ina mai ba wa masoya haƙuri. Ka san YouTube rainonsa ake yi don a sami kuɗi; suna da nasu ƙa’idojin da suke buƙata ka cika su kafin su fara biyanka. To, da yawa akan sami matsala wurin cika waɗannan ƙa’idoji, wanda Tashar Falama TV ita ma ba ta ma ba ta ƙetare waɗannan matsalolin ba. Tambaya: Sarki sai na ga da na duba tashar FALAMA TV tana da SUBSCRIBERS DUBU ƊAYA DA ƊARI BIYAR da VIEWERS DUBU ƊARI DA SABA’IN DA BAKWAI DA ƊARI DA SABA’IN DA BAKWAI kuma har a yanzu ma ana ganin tasharka a a gida Nigeriya da Nijar da Li...