Skip to main content

YADDA SARKI FALAMA YA RASA DALOLINNSA NA YOUTUBE II



YADDA SARKI FALAMA YA RASA DALOLINNSA NA YOUTUBE II

Tambaya: Falama kwana biyu ya batun YouTube?

Falama: YouTube ana nan ana ba da himma.

Tambaya: Kwanaki da yawa masoya sun ji ka shuru a tashar FALAMA TV, ba waƙa sannan ka fara sanya wani fim na HAUSA COMEDY mai suna GIDA ƊAYA amma kuma sai aka ji shuru?

Falama: Sawun giwa ne ya take na raƙumi. Ka san duk cinikin da kake yi wata rana ka sa ran faɗuwa; ko a kasa ba a sayar ba. Batun Falama TV ina mai ba wa masoya haƙuri. Ka san YouTube rainonsa ake yi don a sami kuɗi; suna da nasu ƙa’idojin da suke buƙata ka cika su kafin su fara biyanka. To, da yawa akan sami matsala wurin cika waɗannan ƙa’idoji, wanda Tashar Falama TV ita ma ba ta ma ba ta ƙetare waɗannan matsalolin ba.

Tambaya: Sarki sai na ga da na duba tashar FALAMA TV tana da SUBSCRIBERS DUBU ƊAYA DA ƊARI BIYAR da VIEWERS DUBU ƊARI DA SABA’IN DA BAKWAI DA ƊARI DA SABA’IN DA BAKWAI kuma har a yanzu ma ana ganin tasharka a a gida Nigeriya da Nijar da Libiya da Saudi Arabia da Cote d’ivoire da Algeria da Camaroon da Ghana da America da Gabon da Sudan da Ingila da Togo da Benin da Swizeland da wasu ƙasashe. Duk da haka kana nufin har yanzu ba ka samun komai daga YouTube?

Falama: Gaskiya ba na samun komai sai soyayya daga masoya. Watau abin da ya faru; YouTube tana buƙatar ka sami SUBSCRIBER mutum DUBU da abin da suka kira WATCH TIME KO WATCH HOURS watau ka sami AWA DUBU HUƊU na kallo da aka yi wa abubuwan da ka sanya a tasharka. 

Ta ɓangaren matsaloli kuma; akwai abin da suke ce wa COPYRIGHT wanda yana da nasa dokoki da ƙa’idoji wanda a taƙaice ana so duk aikin da za ka sanya a YouTube ya zama naka ne ba aikin wani ba ne ka kwaso ka yi amfani da shi. 

Sannan wannan COPYRIGHT ɗin yana da ɗan sauƙi domin duk aikin da kake da wannan matsala YouTube za ta turo maka Imel kai kuma sai ka cire ko kuma ka yi naka bayanin cewa kana da hujjar amfani da shi, in sun gamsu cikin kwana talatin ko kafin kwana talatin sai a cire wannan tuhumar. Inda matsalar take, shi ne; a lokacin da tasha ta cika duk wani sharaɗi na YouTube mai tasha ya nemi a fara biyansa, to, sai matsalar REUSED CONTAINT ya taso abin nufi ka yi amfani da aikace-aikacen da an sanya su a YouTube ba sau ɗaya ba, ba sau biyu ba a YouTube.

To; a nan rigimar take, abin da ake buƙata a nan wurin shi ne, ka cire duk wani aiki da ka san ba naka ba ne; kuma ba za a ce maka ga aikin ba. To ka ga wannan yana da wahala akwai abubuwa da yawa game da yadda ake shawo kan abin amma dai mafi sauƙi shi ne ka cire duk wani abin da ka san akwai alamar tambaya a tashar sannan ka sanya sababbi da kake da yaƙini a kansu; kuma wani abu; duk abin da ka cire za a cire WATCH TIME ɗinsa. Watau in ba ka yi sa’a ba, SUBSCRIBERS kawai za su rage maka.

Tambaya: To; yanzu za a so a ji wace matsala FALAMA TV ke fuskanta?
Falama: REUSUED CONTAINT ne.
Tambaya: Allah ya kyauta; to; yanzu wane mataki ne kake bi domin ya zama an shawo kan lamarin?

Falama: Kamar dai yadda na yi bayani a baya; akwai mabambanta matakai da ake bi wurin daidaitawa da REUSED CONTAINT, a yanzu ina ƙoƙari ne in samar da wasu shirye-shirye da za su kwafe makwafin duk wani shiri da yake da matsala a tashar sannan kuma duk abin da ake da matsala a shirin za a cire shi. Don haka ina ba masoya haƙuri. Akwai shirye-shiye da za su biyo baya, daga cikinsu akwai HAUSA COMEDY GIDA ƊAYA da ka ambata a farkon shiri, wanda wasan kwaikwayo ne da za a ci gaba da kawo wa masu kallo. Akwai shiri a kan karin magana – sannan akwai wannan shiri da Falama zai riƙa bayyana yana amsa tambayoyi ko ya yi bayani a kan wasu lamurra da ya shafi FALAMA TV da wasu shirye-shirye, in Allah ya so.

Tambaya: Sarki Falama za mu gimtse a nan sai in Allah ya sake haɗa su.
 
Yau A Garin, in Ji Ma-ƙi-baƙo
Wanda ni Muhammad Sani Jafar ke gabatarwa


14/06/2021

Comments

Post a Comment

Popular posts from this blog

Ranar Hausa

Ranar Hausa Ta Duniya Inda Gizo Yake Saƙarsa: Hausa Ci Gaban Mai Ginan Tukwane Ko Ci Gaban Mai Haƙar Rijiya? 26/08/2023 Shin wannan ba son uwar dawa kawai ake yi wa harshen Hausa ba, har ma da romon baka. Akwai rubuce-rubuce da yawa da aka yi cikin harshen Hausa da suka haɗa da: Rubutattun waƙoƙin Hausa Waƙoƙin baka Rubutattun waƙoƙi na zamani Waƙoƙin baka na zamani Rubutaccen wasan kwaikwayo Wasan kwaikwayo na rediyo da na talabijin da na kuma bidiyo Wasan kwaikwai mai JERENGIYA (mai goyo ko mai dogon zango) Jaridu da mujallu na Hausa Gidajen rediyo da na talabijin da ake gudanar da su da Hausa Jami’o’i da kwalejin ilimi da na kwalejin kimiyya da fasaha da ake nazarin Hausa Sai dai wa ke karantar Hausa a mataki na JAMI’A ko KWALEJIN ILIMI ko KWALEJIN KIMIYYA DA FASAHA? Wa ke so ɗansa ya karanta Hausa a kowane irin mataki? Me ya sa a lokacin ɗaukar jarrabawar SAKANDERE yaranmu ba sa so su sanya Hausa a cikin jerin takardun da suke so su rubuta? Me ya sanya a swance ko ...
Post a Comment
https://youtube.com/user/mbfalama

Hausa Karin Magana

29/11/2019 Duk wanda ya ɗauki namiji uba, zai mutu maraya. Duk wadda ta ɗauki namiji uba, za ta mutu marainiya. Duk wanda ya ɗauki namiji uba, za ta mutu ba a mata gara ba. Namiji ba ɗan goyo ba.  Salon Tsari Na Karin Maganar  Duk waɗannan karin maganganu ne na Hausawa kuma sun hau kan tsari. Idan aka duba za a ga karin magana ce mai ɓarayi biyu: Sashen farko: Duk wadda ta ɗauki namiji uba, = gaɓoɓi 11 Sashe na biyu: Za ta mutu mareniya. = Gaɓoɓi 8 Duk wadda ta ɗauki namiji uba/ za ta mutu marainiya. 11/8 Wannan salo ne da zubi na karin maganar Hausa, wani lokaci za a ga sashen dama ya fi yawan gaɓoɓi, wani lokaci kuma hagu ya fi yawa, a wasu wuraren kuma su zama ɗaya, amma kuma za a ga ma’ana ta tafi yadda ake so ba tare da ta ɓaci ba. Yadda Ake Amfani Da Karin Maganar Mata su suka fi amfani da wannan karin maganar, kuma suna amfani da ita ne a lokacin da namiji ya yi masu ba daidai ba, sai su faɗi wannan karin maganar da nufin su nuna masa cewa, ai da ma suna san...
Post a Comment
https://youtube.com/user/mbfalama

JERIN SARKE A WAKOKIN BAKA NA HAUSA NA MUHAMMAD BELLO FALAMA 2015

Babi Na Ɗaya Gabatarwa 1.1      Shimfiɗa Waƙa, walau ta baka ko rubutacciya, wani muhimmin ɓangare ne na adabin al’umma. Masana sun yi nazarce-nazarce da dama kan jigo da salo, da kuma zubi da tsarin ire-iren waƙoƙin da ake da su na Hausa. Ta fuskar irin waɗannan nazarce-nazarce ne aka gano saƙonni da salo da kuma zubi da tsari da ma wasu abubuwa na daban da suka ƙunsu a cikin waƙoƙin baka na Hausawa. Wannan nazari ya ɗora ne a kan ire-iren nazarce-nazarcen da aka yi kan waƙoƙin baka na Hausawa, inda aka ɗauki jerin sarƙe aka nazarce shi. An ga yadda yadda maimai ke taka rawa wurin haifar da jerin sarƙe nau’o’insa. Jerin sarƙe, zance ne wanda aka sarƙa a falan biyu ko fiye, wato inda aka samu daidaito na sunaye ko yankuna ko kalmomi ko aka samu wani irin zubi mai burgewa, da aka samu ɓuraɓusai a cikinsa. An yi bayanin nau’o’in jerin sarƙe da suka haɗa da “Cikakken Jerin Sarƙe” da kuma “Ragagge Jerin Sarƙe”, tare da la’akari dadalilan da suke haif...
Post a Comment
https://youtube.com/user/mbfalama