adamu zango

Adam A Zango

Adamu Zango Mai Zamani

Amshi : Yaro adon gari,

: Adamu Zango mai zamani,

: Fasa taro.

Jagora : Ni ne adon gari,

: Matar aure ’yar asali,

: Zan zaɓa...

: Bisimilla Sarkina,

: Allah Mai biyan buƙata,

Karɓi : Lale lale.

Jagora : Taimaken Allah,

: Nai mata mai hali da tsafta,

Karɓi : Lale lale.

Jagora : Na saka ka a farko,

: Rabbani Walla bai buƙata

Karɓi : Lale lale.

Jagora : Ɗan Abdalla ba na shan wahala,

: Mai ado da kufta,

Karɓi : Lale lale.

Jagora : Rabbi kai kay yarje mui aure,

: Don mu je mu huta,

Amshi : Yaro adon gari,

: Adamu Zango mai zamani,

: Fasa taro.

Jagora : Yau gashi ina so nai aure,

: Auren addini,

Karɓi : Lale lale.

Jagora : Na sauka a Barno neman aure,

: Wata ɗiya ta gan ni,

Karɓi : Lale lale.

Jagora : Ta ce mani “indawatu”

: Adam taho gare ni,

Karɓi : Lale lale.

Jagora : Sai na ce, “kele wasile”

: Aure na zo ku ba ni,

Karɓi : Lale lale.

Jagora : Na ji an ce kuna ado da tilare,

: Na ke ce raini,

Amshi : Yaro adon gari,

: Adamu Zango mai zamani,

: Fasa taro.

Jagora : Na ce, “yaya sunanki,

: ’Yanmata mai diri da sura”

Karɓi : Sunana Falmata,

: Yarinyar da ba ta yin fitsara,

: Mu je gida ka gaida iyayena,

: Don kar kai min dabara,

: Idan kana da Naira ɗan Sarki,

: Ka zo mu je a ɗaura,

Jagora : Wayyo ’yanmata ni ba ni da Naira

: Yauna za ni na haura,

: Yanzu,

Amshi : Yaro adon gari,

: Adamu Zango mai zamani,

: Fasa taro.

Jagora : Sai na sauka a Yola,

: Tashan mota zan wuce Jimeta,

: Na ɗauki jaka zan tsallaka titi,

: Duk na jigata,

Karɓi : Lale lale.

Jagora : Ga ƙishi da yunwa ta dame ni,

: So nake na huta,

Karɓi : Lale lale.

Jagora : Sai na ga rijiyar burtsatai,

: Mata sun kewaye ta,

Karɓi : Lale lale.

Jagora : Kyakkyawa na cikinsu,

: Ta ba ni kofi na ruwa mai tsafta,

: In sha,

Amshi : Yaro adon gari,

: Adamu Zango mai zamani,

: Fasa taro.

Jagora : Sai ta ce da ni, “use”,

: Sai na amsa,

: Sai tai min murmushi na duba,

Karɓi : Kai kaɗo yaya sunanka,

:Ba na na ƙirƙiro ba.

Jagora : ’Yar Fullo,

: Sunana Adam Zango,

: Aure na zo na duba,

Karɓi : Ni ma dai bari ka ji sunana,

: Sunana Habiba,

: Sai kana da garken shanu,

: Za ka auri Habiba.

Amshi : Yaro adon gari,

: Adamu Zango mai zamani,

: Fasa taro.

Jagora : Ni ba ni da ko garken shanu,

: Naija za ni koma,

Karɓi : Lale lale.

Jagora : Ga ni nan a Naija garin Nufawa,

: Ina ta himma,

Karɓi : Lale lale.

Jagora : Ina da aboki a Fandulu,

: Da ƙanwarsa Karima

Karɓi : Lale lale.

Jagora : Ya kai ni gidansu ya ba ni abinci,

: Sakwara da nama,

Karɓi : Lale lale.

Jagora : Ya ce ga Karima ta ba ni ruwa,

: Mai sanyi da ni’ima,

: Na sha,

Amshi : Yaro adon gari,

: Adamu Zango mai zamani,

: Fasa taro.

Karɓi : Adam zango uko kewano,

: Mai ka zo garinmu?

Jagora : Ƙanwata ina neman aure,

: Shin ko za ni samu?

Karɓi : Yayana shin kana son wace ce,

: A nan cikin garinmu?

Jagora : Ko ke zan aura ba komai,

: In har za a samu,

Karɓi : To za ka noma kunya dubu na doya,

: San nan ka samu!

Jagora : A’a ba zan iya ba na haƙura,

: Zan je Kano ta Dabo,

Karɓi : Lale lale.

Jagora : Ga ni ƙasar Kanawa Ƙofar Mata,

: Ina ta ƙwambo,

Karɓi : Lale lale.

Jagora : Sai ga wata bebi kyakkyawa,

: Ta sayi akumbo,

Karɓi : Lale lale.

Jagora : Ta sanya atamfa ta sha lalle,

: Tana ta bobo,

Karɓi : Lale lale.

Jagora : Muka haɗa idanu ni da ita,

: Muka yo kwalabo,

: Sosai,

Amshi : Yaro adon gari,

: Adamu Zango mai zamani,

: Fasa taro.

Jagora : Nan na ce mata ’yam mata,

: Don Allah na tambaye ki,

Karɓi : Lale lale.

Jagora : Na ga kyan diri kyawu da mutunci,

: Suna gare ki,

Karɓi : Lale lale.

Jagora : Na zo neman aure,

: Wane unguwa zan zo na gan ki,

Karɓi : Ni ’yar Gwammaja ce ’yar malam,

: Mai hali na kirki,

: In kana da haddan Ƙur’ani,

: Aurenmu babu burki,

: Ka ji,

Amshi : Yaro adon gari,

: Adamu Zango mai zamani,

: Fasa taro.

Jagora : Ni ba ni da hadda,

: Na sauke kuma na san hadisi

Karɓi : Lale lale.

Jagora : Sai na sauka Zazzau,

: Birnin Shehu jikan Sunusi,

Karɓi : Lale lale.

Jagora : Na sauka a Gyalle,

: A wurin Alin Taro da Sisi,

Karɓi : Lale lale.

Jagora : Yana da shago na yin ɗinki,

: Mai ado da fansi.

Karɓi : Lale lale.

Jagora : Sai ga wata kyakkya ta shigo,

: Mai asali na jinsi,

Amshi : Yaro adon gari,

: Adamu Zango mai zamani,

: Fasa taro.

Jagora : Na ce assalamu alaiki,

: ’Yam mat azan so na gan ki,

Karɓi : Wa alaikas salam Adam Zango,

: Na kawo maka ɗinki,

Jagora : A’a ba ni ɗinki ’yam mata,

: Ƙauna na zo na ba ki,

Karɓi : Aure ka zo mu yi ko ko soyayya,

: Gidanmu kai sadaki,

Jagora : Ta kai ni wurin abbanta,

: Dattijo ne yana da kirki,

Karɓi : Tambaya ta farko yaro,

: Kai ɗan wane gari ne?

: Kai ɗan wane ne kuma,

: Kai ɗan wane jinsin yare ne?

Jagora : Babana Ibrahim kuma ɗan Abdalla,

: Maƙerin nan ne,

Karɓi : Lale lale.

Jagora : Bahausen Zango ne ni,

: Baba ka je Fada za ka gane,

Karɓi : Lale lale.

Jagora : Sana’ata wasan Hausa,

: Da waƙa ɗan gidan malamai ne,

Karɓi : Yaro ka je ka turo iyayenka,

: Ni na ba ka Zainab,

Jagora : Wayyo baba ya ba ni Zainab,

Karɓi : Lale lale.

Jagora : Wayyo an ba ni Zainab,

Karɓi : Lale lale.

Jagora : Sosai an ba ni Zainab,

Karɓi : Lale lale.

Jagora : Ina son ki Zainab,

Karɓi : Lale lale.

Jagora : Ina ƙaunarki Zainab,

Karɓi : Lale lale.

Jagora : I lobyu Zainab,

Karɓi : Lale lale.

Jagora : Na samu Zainab,

Karɓi : Lale lale.

Jagora : Yau baba ya ba ni Zainab,

Karɓi : Lale lale.

Jagora : Wayyo an ba ni Zainab,

Karɓi : Lale lale.

Jagora : Sosai an ba ni Zainab,

Karɓi : Lale lale.

Adam A Zango

Wayyo Ni Ina Son Ta

Jagora : Oh!

Karɓi : Wayyo!

Jagora : Ni ina son ta

Karɓi : Ni ina son ta,

Jagora : Wayyo!

Karɓi : Wayyo!

Jagora : Ni ina son ta,

Karɓi `: Ina son ta,

Jagora : Shuhuda,

: I lobyu Shuhuda

: Shuhuda,

: I lobyu Shu Shu Shu,

Jagora : Wata rana na haɗa kayana,

: Zan yi tafiya na yi shirina,

: Na ɗau ado za ni Abuja,

: Wurin buki na abokina,

: Na ga jama’a duka sun taru,

: Kowa da kowa na murna,

: A cikinsu na yi gamo da katar,

: Don tafiya mai ban sha’awa,

: Yarinya Shuhuda,

Karɓi : Shi yana son ki,

Jagora : Son ki ya,

Karɓi : Shiga rihinshi.

Jagora : Jalla kai ni,

Karɓi : Muradina,

Jagora : Eh, Shuhuda ki zan tawa,

: Ɓatad da kama daga Indiya,

: Da ɗaiɗaya taka takawa,

: Ta ɗau mayafi ta sanya,

: Jikinta duk ta yi rufewa,

: Sannan ga ta doguwa,

: Madaidaiciya ba kushewa,

: Adamu dai a tunanina,

: Budurwa ce mai hangowa,

: Na tambayi matar abokina,

: Sunanta daure ta gaya min,

: Wancan shin wace ce,

: Sunanta daure ki gaya min,

: Kamalarta da kimarta,

: Da shigarta biyu duka sun...

: Ina son ta da niyyar aure,

: In har ko ta lamunce min,

: Ta ce mun sunanta Shuhuda,

: Amma da Shu za ka sanin,

: Kwana biyu ya rage aurenta,

: Ina nufin an ba da ta,

: Dagan an sai nac ce na haƙura,

: A zuciyata na cire ta,

: Na bi umurnin Musulunci,

: Na dangana daga narkewa,

: Yarinya Shuhuda,

Karɓi : Yana son ki,

Jagora : Eh, son ki ya,

Karɓi : Shiga ruhinshi,

Jagora : Jalla kai ni,

Karɓi : Muradina,

Jagora : Eh, Shuhuda ki zan tawa,

: Tun a lokacin da na dawowa,

: Da safe gari ya wayewa,

: Na je ni jungun ummata,

: Zai gai da ita nai duƙawa,

: Sai ta gwadan hoton Rashida,

: A bayan mun gama gaisawa,

: Sai ta ce in aure ta,

: Hankalinta za ta fi kwantawa,

: Nan take na’ amsa batunta,

: Don faranta mata rayinta,

: Da na je na ga Rashida,

: Ni da ita sai muka daidaita,

: Anka ɗaura mana aure,

: Zaman lafiya muke ni da ita,

: Ba faɗa ba janjani,

: Junanmu ba mai kokawa,

: Hat ta kai mu ga mun haihu,

: Muka samu mai sunan baba,

: Yarinya Shuhuda,

Karɓi : Yana son ki,

Jagora : Eh, son ki ya,

Karɓi : Shiga ruhinshi,

Jagora : Jalla kai ni,

Karɓi : Muradina,

Jagora : Eh, Shuhuda ki zan tawa,

: A kwana a tashi kwatsam,

: Matar abokin nan nawa,

: Na fito daga aikina,

: Ni da ita sai munka haɗewa,

: Ita ce ta gayan cewa,

: Shuhuda dai ta yi fitowa,

: Kuma tana ta nema na,

: Lambar wayar ba ta shigowa,

: Nan take na ce mata to,

: Ko za ki ban lambarta,

: Ta ce mini ba komai,

: Zan ba ka har adireshinta,

: Ta ɗauka tab ba ni,

: Da zuwa gida na yi kiranta,

: Sunana Adamu Zango,

: Kalma ta farko da na furta,

: Buƙatata ki amince da ni,

: Aure na ƙauna mu ƙullawa,

: Ta yi dogon numfashi,

: Da ya sanya raina ya bugawa,

: Ta ce in mata uzuri,

: Za ta je ta yi shawartawa,

: Sai ta ce amma in sani,

: Ƙauna da ni ta yarjewa,

: Sai na ce mata ba komai,

: Na yarda na yi amincewa,

: Na yi karo da abun ƙauna,

: Mai hankali ’yar Larabawa,

: Eh, yarinya Shuhuda,

Karɓi : Yana son ki,

Jagora : Eh, son ki ya,

Karɓi : Shiga ruhinshi,

Jagora : Jalla kai ni,

Karɓi : Muradina,

Jagora : Eh, Shuhuda ki zan tawa,

: Ya Shuhuda ’yar asali,

: Haskenki tamkar ya na zara,

: Daure ki amince da ni,

: Don in samu shiga tsara,

: ’Yar Larabawa mai asali,

: Shuhuda mai kyawun sura,

: Mai dashe na farin ƙauna,

: Zan so in so....

: Eh, yarin Shuhuda,

Karɓi : Yana son ki,

Jagora : Eh, son ki ya,

Karɓi : Shiga ruhinshi,

Jagora : Jalla kai ni,

Karɓi : Muradina,

Jagora : Eh, Shuhuda ki zan tawa,

: Shuhuda madubina,

: Abin tunanin ruhina,

: Na kamu da ƙaunarki,

: Har ta sauya tunanina,

: Daure ki amince da ni,

: Shuhuda mui auren ƙauna,

: Na sunna mu yi rayawa,

: Har jama’a su yi ta yabawa,

: Eh, yarin Shuhuda,

Karɓi : Yana son ki,

Jagora : Eh, son ki ya,

Karɓi : Shiga ruhinshi,

Jagora : Jalla kai ni,

Karɓi : Muradina,

Jagora : Eh, Shuhuda ki zan tawa,

: Ya Shuhuda abar so na,

: Kanki kaina ya zautu,

: Sai ki nunan soyayya,

: Hakan ko lallai ya kyautu,

: ’Yan samari na kuka,

: A ba su ke wai sun bautu,

: Sai na ce duka sui haƙuri,

: Tun da dai ta zan tawa,

: Eh, yarin Shuhuda,

Karɓi : Yana son ki,

Jagora : Eh, son ki ya,

Karɓi : Shiga ruhinshi,

Jagora : Jalla kai ni,

Karɓi : Muradina,

Jagora : Eh, Shuhuda ki zan tawa,

: Kanki na yo kokawa,

: Ina zubar da hawayena,

: Don na cimma buƙatuna,

: Aurenki shi ne burina,

: Na so Shuhuda ’yar asali,

: Har wasu jama’a na zagi na,

: Ni fa lallai burina,

: Shuhuda dai ta zamo tawa,

: Eh, yarin Shuhuda,

Karɓi : Yana son ki,

Jagora : Eh, son ki ya,

Karɓi : Shiga ruhinshi,

Jagora : Jalla kai ni,

Karɓi : Muradina,

Jagora : Eh, Shuhuda ki zan tawa,

: Yarinya Shuhuda ina son ki,

: Son ki ya shiga ruhina,

: Jalla kai ni muradina,

: Shuhuda ki zan tawa,

: Eh, yarin Shuhuda,

Karɓi : Yana son ki,

Jagora : Eh, son ki ya,

Karɓi : Shiga ruhinshi,

Jagora : Jalla kai ni,

Karɓi : Muradina,

Jagora : Eh, Shuhuda ki zan tawa,

: Eh, yarin Shuhuda,

Karɓi : Yana son ki,

Jagora : Eh, son ki ya,

Karɓi : Shiga ruhinshi,

Jagora : Jalla kai ni,

Karɓi : Muradina,

Jagora : Eh, Shuhuda ki zan tawa.

Adam A Zango

Wayyo Kai Wannan Zamani

Jagora : Wayyo!

: Wayyo kai wannan zamani,

Jagora : Iyayen zamani,

Karɓi : Wannan zamani.

Jagora : Wayyo!

: Wayyo kai wannan zamani,

Karɓi : Wannan zamani.

Jagora : Iyayen zamani,

Karɓi : Wannan zamani.

Jagora : Matasan zamani,

Karɓi : Wannan zamani.

Jagora : ’Yam matan zamani,

Karɓi : Wannan zamani.

Jagora : ’Yan siyasan zamani,

Karɓi : Wannan zamani.

Jagora : Malaman zamani,

Karɓi : Wannan zamani.

Jagora : Masu kuɗin zamani,

Karɓi : Wannan zamani.

Jagora : ’Yan fim ɗin zamani,

Karɓi : Wannan zamani.

Jagora : Har ma da mawaƙan zamani,

Karɓi : Wannan zamani.

Jagora : Ku buɗe kunne ku ji,

: Waƙar Jatau mai magana,

: Ni ne likitan wannan zamani,

: Mai warƙar da cutar zamani,

: Jatau, uh! Uh!

: Wayyo, uh! Uh! Uh!

: Uh! Uh!

: Wayyo, uh! Uh! Uh!

: Allah mai zamani,

: Kuma shi ne zai mana magani,

: Allah mai zamani,

: To a daina zagin zamani,

: Rami rami na shiga,

: Ramin kura na shiga,

: Ramin damusa na shiga,

: Ramin ɓauna na shiga,

: Ramin alade na shiga,

: Ramin jaki na shiga,

: Ramin zaki na shiga,

: Amma zaki bai bar ni ba,

: Uh! Uh!

: Wayyo, uh! Uh! Uh!

: Kur uh! Uh! Uh!

: Uh! Uh!

: Wayyo, uh! Uh! Uh!

: Ramin kura na shiga,

: Labarin sai ku tsaya ku ji,

: Mutuwar aure a Hausawanmu,

: Abin har na gaji,

: Ina yin rangaji,

: Malamai a kawo agaji,

: Dangi-dangi na shiga,

: Babu dangin da babu bazauwara,

: An yo aure na zumunci,

: Jama’a ga auren ya rabu,

: An yo aure na soyayya,

: Jama’a auren ya rabu,

: An yo aure na dukiya,

: Jama’a aure ya rabu,

: An yo aure na ƙiyayya,

: Jama’a aure ya rabu,

: Jama’a ku biyo ni,

: Jatau yau za na ba ku magana,

: Haƙuri ne magana,

: Ilimin mata magana,

: Tarbiyyan mace magana,

: Ko da namijin bai yi shi ba,

: Uh! Uh!

: Wayyo, uh! Uh! Uh!

: Kur uh! Uh! Uh!

: Uh! Uh!

: Wayyo, uh! Uh! Uh!

: Malamanmu na zamani,

: Sai mu juya kallon zahiri,

: Ɗan wancan ƙungiya,

: Ya ce wa wancan kafiri,

: Shi ma ɗan ƙungiyancan,

: Ya ce wa wancan kafiri,

: To wai wa za mu bi,

: Ku faɗa mana kar mu tsaya jiri,

: Musulunci dai guda ce,

: Ba bambanci a zahiri,

: Jatau mai magani,

: Ku biyo ni zan ba ku magani,

: Tutan Manzon Allah,

: Annabi shi ne zamani,

: Ƙur’ani kalmal Allah,

: Littafi zamani,

: Uh! Uh!

: Wayyo, uh! Uh! Uh!

: Kur uh! Uh! Uh!

: Uh! Uh!

: Wayyo, uh! Uh! Uh!

: ’Yan siyasan zamani,

: Ku yi koyi da riƙon gaskiya,

: Talakawan zamani,

: Sun same ku da zuciya ɗaya,

: Sai ku yi adalci,

: In kun hau ku riƙe su da gaskiya,

: Kar ku manta sai da talakka,

: Mulkinku zai taffiya,

: In kau babu talakka,

: Mulkinku zai sankuya,

: Ah weye!

: Uh! Uh!

: Wayyo, uh! Uh! Uh!

: Kur uhu! Kur uhu!

: Eyee ye yee

: Wannan wanan wannan zamani,

: Allah ka tsare mu da zamani,

: Ƙarya wannan zamani,

: Hassada wannan zamani,

: Gulma a wannan zamani,

: Cuta wannan zamani,

: Sata wannan zamani,

: Yaudawara wannan zamani,

: Allah Ka tsare mana zamani,

: Uhu, Allah ka tsare mana zamani,

: Jatau, ni ne Jatau mai magani,

: Jatau, ni na ba ku magani,

: Wayyo, uhu,

: Wayyo kur,

: Wayyo, uh! Uh! Uh!

Adam A Zango

In Kuna Son Rawa Da Zango

Jagora : In kuna son rawa da Zango ku ce yayye!

Karɓi : Yayye!

Jagora : In kuna son ku gan ni Zango ku ce Ushe,

Karɓi : Ushe!

Jagora : In kuna son ku samu rahama ku ce Allah,

Karɓi : Allah!

Jagora : Walale walale walale,

Karɓi : Adam ya shigo gari,

Jagora : Ya shigo gari,

Karɓi : Yaro ne adon gari,

Jagora : Yaro ne adon gari,

Karɓi : Ya shigo garin KD,

Jagora : Eh!

: A Garin Kano da kwai Naira,

Jagora : Haka ne, haka ne!

Karɓi : Sannan muna da Sarki na Zazzagawa.

: Eh!

Jagora : Haka nan take,

Amshi : Adam ya shigo gari,

: Yaro ne adon gari,

: Ya shigo garin KD,

: A Garin Kano da kwai Naira,

: Sannan muna da Sarki na Zazzagawa.

: Eh.

Jagora : Na faɗa Ni Zango na riga na faɗa,

Karɓi : Eh, oyoyo,

Jagora : In dai ilimi ne ka je Kaduna ka yo biɗa,

Karɓi : Eh, oyoyo,

Jagora : Mata da maza harkar ilimi babu yin faɗa,

Karɓi : Eh, oyoyo,

Jagora : Cibiyar Arewa Kaduna ce kar ka yo raɗa,

Karɓi : Eh, oyoyo,

Jagora : Sarkin Zazzau Shehu Idiris shi ma ya faɗa,

Karɓi : Eh, oyoyo,

Jagora : Ya ce kowa ya kama karatu ya bar faɗa,

Karɓi : Eh, oyoyo,

Jagora : Bar yawon banza Mahammadiyya a yo biɗa,

Karɓi : Eh, oyoyo,

Jagora : Eh...

Karɓi : Walale, walale walale,

Jagora : To in na ga dama, in na ga dama,

Karɓi : Ina za ka kwana?

Jagora : In na ga dama a gidan gwamna zan kwana,

Karɓi : Ka je ka kwana,

Jagora : In na ga dama a gidan sarki zan kwana,

Karɓi : In ya ba ka dama,

Jagora : Kai in na ga dama a garin Zazzau zan kwana,

Karɓi : Ka samu dama,

Jagora : In na ga dama a garin KD zan kwana,

Karɓi : Mun amunce ma,

Jagora : Eh...

Amshi : Adam ya shigo gari,

: Yaro ne adon gari,

: Ya shigo garin KD,

: A Garin Kano da kwai Naira,

: Sannan muna da Sarki na Zazzagawa.

: Eh, yeyye, Ushe!

: Yeyye, Ushe!

: Allah, walale walale walale.

Jagora : Masarautar Zazzau ta kere sa’o’inta da dama,

Karɓi : Eh, oyoyo,

Jagora : A fagen yaƙi Zazzau jarumai an yi su da dama,

Karɓi : Eh, oyoyo,

Jagora : Ko Ƙur’ani idan ka duba za ka gani ma,

Karɓi : Eh, oyoyo,

Jagora : Akwai bugun Zazzau na malamai za mu jaddada ma,

Karɓi : Eh, oyoyo,

Jagora : Malam je ka Kusfa da malamai za su agaza ma,

Karɓi : Eh, oyoyo,

Jagora : Kaduna Garin Gwamna A.A. Zango nake faɗa ma,

Karɓi : Eh, oyoyo,

Jagora : In kana da Naira ka je Kaduna ka ƙera gida ma,

Karɓi : Eh, oyoyo,

Jagora : Lallai ka cika mai kuɗi.

Karɓi : Eh, walale walale walale,

Jagora : In na ga dama in na ga dama,

Karɓi : Ina za ka kwana?

Jagora : In na ga dama Unguwar Dosa zan kwana,

Karɓi : Je ka kwana,

Jagora : Kuma in na ga dama Unguwar Shanu zan kwana,

Karɓi : Ka samu dama,

Jagora : Kuma in na ga dama Nasarawa ni za ni kwana,

Karɓi : Ka samu dama,

Jagora : Kuma in na ga dama Tudun Wada ni zan kwana,

Karɓi : Mun amunce ma,

Amshi : Adam ya shigo gari,

: Yaro ne adon gari,

: Ya shigo garin KD,

: A Garin Kano da kwai Naira,

: Sannan muna da Sarki na Zazzagawa.

: Eh, yeyye, Ushe!

: Yeyye, Ushe!

: Allah, walale walale walale.

Jagora : To Bisimillah,

: Na haɗa da sunan Allah,

Karɓi : Eh, oyoyo,

Jagora : Komai sai ka sa Allah,

Karɓi : Eh, oyoyo,

Jagora : Yau gani Kaduna Garin Gwamna,

Karɓi : Eh, oyoyo,

Jagora : Na taho na gai da gida ne,

Karɓi : Eh, oyoyo,

Jagora :’Yan Zango na gaishe gaba ɗaya,

Karɓi : Eh, oyoyo,

Jagora : Haɗa da Zankuwa da Zankuwa City,

Karɓi : Eh, oyoyo,

Jagora : My people na Samunaka,

Karɓi : Eh, oyoyo,

Jagora : Lere da Doka har Mariri,

Karɓi : Eh, oyoyo,

Jagora : ’Yan Kafanchan na gaishe ku,

Karɓi : Eh, oyoyo,

Jagora : Da ’yan Kaduna Ilove you people,

Karɓi : Eh, oyoyo,

Jagora :Yau ga ni a Zariya City,

Karɓi : Eh, oyoyo,

Jagora : Zo ka bi ni ku sha labari,

Karɓi : Eh, oyoyo,

Jagora : Na biyo ta Ƙofar Doka,

Karɓi : Eh, oyoyo,

Jagora : Ƙofar Kuyanbana, na shiga Kona,

Karɓi : Eh, oyoyo,

Jagora : Gaishe ku mutanen Ƙofar Gayan,

Karɓi : Eh, oyoyo,

Jagora : Ƙofar Kibo na Galadima,

Karɓi : Eh, oyoyo,

Kirari : Lafiya Sarkin jikan Sarki,

Karɓi : Eh, oyoyo,

Kirari : Lafiya mai nasara,

Karɓi : Eh, oyoyo,

Kirari : Lafiya kirzau

Karɓi : Eh, oyoyo,

Kirari : Sarki mai yawan kaya,

Karɓi : Eh, oyoyo,

Kirari : Sarki mai tarin sutura,

Karɓi : Eh, oyoyo,

Kirari : Sarki mai tarihi,

Karɓi : Eh, oyoyo,

Kirari : Sarki baban sarakuna,

Kirari : Sarkin ...

Karɓi : Eh, oyoyo,

Jagora : Eh, in na ga dama in na ga dama,

Karɓi : Ina za ka kwana?

Jagora : In na ga dama Unguwar Sarki zan kwana,

Karɓi : Je ka kwana,

Jagora : In na ga dama Badarawa ni zan kwana,

Karɓi : Na ba ka dama,

Jagora : Kuma in na ga dama cikin Kawo ni zan kwana,

Karɓi : Ka samu dama,

Jagora : Kai in na ga dama Malali ni zan kwana,

Karɓi : Mun amunce ma,

Jagora : In kuna son rawa da Zango ku ce yayye!

Karɓi : Yayye!

Jagora : In kuna son ku gan ni Zango ku ce Ushe,

Karɓi : Ushe!

Jagora : In kuna son ku samu rahama ku ce Allah,

Karɓi : Allah!

Jagora : Walale walale walale,

Karɓi : Adam ya shigo gari,

Jagora : Ya shigo gari,

Karɓi : Yaro ne adon gari,

Jagora : Yaro ne adon gari,

Karɓi : Ya shigo garin KD,

Jagora : Eh!

: A Garin Kano da kwai Naira,

Jagora : Haka ne, haka ne!

Karɓi : Sannan muna da Sarki na Zazzagawa.

: Eh!

Jagora : Haka nan take,

Amshi : Adam ya shigo gari,

: Yaro ne adon gari,

: Ya shigo garin KD,

: A Garin Kano da kwai Naira,

: Sannan muna da Sarki na Zazzagawa.

: Eh.

: Adam ya shigo gari,

: Yaro ne adon gari,

: Ya shigo garin KD,

: A Garin Kano da kwai Naira,

: Sannan muna da Sarki na Zazzagawa.

: Eh.

: Adam ya shigo gari,

: Yaro ne adon gari,

: Ya shigo garin KD,

: A Garin Kano da kwai Naira,

: Sannan muna da Sarki na Zazzagawa.

: Eh.

Adam A. Zango

Duniya Ta Kusan Tashi

Jagora : Haka!

Karɓi : Yaf yaf yaf yaf yaf!

: Ruwan sama saka lumbayye,

Jagora : Haka!

Karɓi : Yaf yaf,

: Mai baiwa daga Allah Adam Zango.

Jagora : Yee yee ye ye yee yee!

: Duniya,

: Wayyo duniya ta zo ƙarshe,

: E, duniya ta kusan tashi amma mutum bai gane ba,

: Duniya ta zo ƙarshe,

Amshi : Duniya ta kusan tashi amma mutum bai gane ba,

: Duniya ta zo ƙarshe.

Jagora : E, bisimilla Allah Maƙagin Sarki, wanda yay sama babu gwafa,

Karɓi : Duniya ta zo ƙarshe,

Jagora : Shi ke yin zafi har sanyi kuma yay mana bargo mu rufa,

Karɓi : Duniya ta zo ƙarshe,

Jagora : Shi Rabbi ke sanya ciwo ya ba mu magani nai fa duba fa,

Karɓi : Duniya ta zo ƙarshe,

Jagora : Uh, Ka ba ni ikon aikata kari, shi ko sharri mu kakkauce fa,

: Rabbi dom ba mu kauce ba,

Amshi : Duniya ta kusan tashi amma mutum bai gane ba,

: Duniya ta zo ƙarshe.

Jagora : E, rayuwar ta yi tsada kowa da tsarin da zai ɗabi’arsa,

Karɓi : Duniya ta zo ƙarshe,

Jagora : Wani in ba gulma ya yo a kullum bai da ikon ya numfasa,

Karɓi : Duniya ta zo ƙarshe,

Jagora : Wani ko burinsa ta yaya zai yi ya ƙuntata wa amininsa

Karɓi : Duniya ta zo ƙarshe,

Jagora : Wani ko bai ya jin daɗi sai ya yi hasada a cikin ransa,

: To hakan bai dace ba,

Amshi : Duniya ta kusan tashi amma mutum bai gane ba,

: Duniya ta zo ƙarshe.

Jagora : A zamanin yanzu babu zumunci ya riga ya lalace,

Karɓi : Duniya ta zo ƙarshe,

Jagora : Wani ɗan’uwa ne yake ƙauna ya ga ɗan’uwan ya susuce,

Karɓi : Duniya ta zo ƙarshe,

Jagora : Ka ga wa da kuɗi amma ƙannensa cikin talauci a ƙasƙance,

Karɓi : Duniya ta zo ƙarshe,

Jagora : Ka ga ɗa da uba wai ana faɗa Wallahi ɗa ka lalace,

: Jahannama ba za ta ƙyale ba,

Amshi : Duniya ta kusan tashi amma mutum bai gane ba,

: Duniya ta zo ƙarshe.

Jagora : Wani sabon salo da bawa ke yi gun mace in ya je zance,

Karɓi : Duniya ta zo ƙarshe,

Jagora : Um, sai ta sa hijabi ta saka shi ciki da sunan suna zance,

Karɓi : Duniya ta zo ƙarshe,

Jagora : Sai kai ɗaya ƙafa guda huɗu a duhu zuciya ta gurɓace,

Karɓi : Duniya ta zo ƙarshe,

Jagora : Da ka fara zuwa ba ka yin haka sai ta ce kai gara kauce,

: Wane sam bai gane ba,

Amshi : Duniya ta kusan tashi amma mutum bai gane ba,

: Duniya ta zo ƙarshe.

Jagora : E, irin gine-ginen da ake ta yi fa a duniyar ga ban gane ba,

Karɓi : Duniya ta zo ƙarshe,

Jagora : Ka ga Ɗan’adam da mota saba’in shi kaɗai kamar ba za su ƙare ba,

Karɓi : Duniya ta zo ƙarshe,

Jagora : Ginin gida ko ya zarta ɗari kai ka ce ba za su rushe ba,

Karɓi : Duniya ta zo ƙarshe,

Jagora : Um ka ga uwa tana hana ’yarta zaman aure dom ba mai kuɗi ba,

: Mai yin hakam ba ta kyauta ba,

Amshi : Duniya ta kusan tashi amma mutum bai gane ba,

: Duniya ta zo ƙarshe.

Jagora : Haka! X2

Karɓi : Yaf yaf yaf yaf yaf!

: Ruwan sama saka lumbayye,

Jagora : Haka!

Karɓi : Yaf yaf,

: Mai baiwa daga Allah Adam Zango.

Jagora : Yee yee ye ye yee yee!

: Duniya,

: Wayyo duniya ta zo ƙarshe,

: E,

Amshi : Duniya ta kusan tashi amma mutum bai gane ba,

: Duniya ta zo ƙarshe.

Jagora : E A yau idan muka duba kwaɗayi yay yawa ba mu gane ba,

Karɓi : Duniya ta zo ƙarshe,

Jagora : Um ba za ka aurat da ’yarka ba wai mai kuɗi kake hangowa,

Karɓi : Duniya ta zo ƙarshe,

Jagora : Budurwa ta yi ta zama a gida kullum tana ƙara tsofewa,

Karɓi : Duniya ta zo ƙarshe,

Jagora : Da ka je gun yarinya ta gane ba Dala sai ta zuƙewa,

: Ba zan soyayyar wahala ba,

Amshi : Duniya ta kusan tashi amma mutum bai gane ba,

: Duniya ta zo ƙarshe.

Jagora : Shi ne ya sa ga shi mata sun fi maza yawa sun ninninka

Karɓi : Duniya ta zo ƙarshe,

Jagora : In za a bi kowa da goma-goma ragowar sai su ninninka,

Karɓi : Duniya ta zo ƙarshe,

Jagora : Komai zurfin addininka in ba kuɗi za su ƙyale ka,

Karɓi : Duniya ta zo ƙarshe,

Jagora : Um kana ji kama gani mai mota zai raba ka da bebinka,

: Ko bai karatun salla ba,

Amshi : Duniya ta kusan tashi amma mutum bai gane ba,

: Duniya ta zo ƙarshe.

Jagora : A ɓangaren maza mu ma matsala ce da mu ba ’yar ƙalilan ba,

Karɓi : Duniya ta zo ƙarshe,

Jagora : Wani in macen ba shigar banza ba ta yi wai shi ba ta waye ba,

Karɓi : Duniya ta zo ƙarshe,

Jagora : Ya za ki rinƙa ha’inta ta ki sa hijab ban gane ba,

Karɓi : Duniya ta zo ƙarshe,

Jagora : Wani saurayi in ya je zance ta ƙi yai kis ba za ya koma ba,

: Wance sam ba ta waye ba,

: Alla!

Amshi : Duniya ta kusan tashi amma mutum bai gane ba,

: Duniya ta zo ƙarshe.

Jagora : Wani mai gidan a kullum a cikin matansa kullum sai ya fifita,

Karɓi : Duniya ta zo ƙarshe,

Jagora : Ran kwanan ɗakin amarya tsire zai sayo da yajin citta,

Karɓi : Duniya ta zo ƙarshe,

Jagora : Ita ko uwar gida ran kwananta tuwonta shi ne namanta,

Karɓi : Duniya ta zo ƙarshe,

Jagora : Um da dafe amarya ta ci Indomi da ƙwai ɗayar ko ya ƙyale ta,

: Tun da ba sabuwa ce ba,

Amshi : Duniya ta kusan tashi amma mutum bai gane ba,

: Duniya ta zo ƙarshe.

Jagora : Allah Sarki ina roƙo ka fitar da ni sharrin masharranta,

Karɓi : Duniya ta zo ƙarshe,

Jagora : Ka tsare ni ganin ƙyashin kowa ka guje ni yi wa kowa ƙeta,

Karɓi : Duniya ta zo ƙarshe,

Jagora : Ka ƙara min son ManzonKa da masoyina in ma bauta,

Karɓi : Duniya ta zo ƙarshe,

Jagora : Da na ji zan yi wa wani kushe to zuciyata ka kulle ta,

: Ta yarda ba zan buɗe ba,

Amshi : Duniya ta kusan tashi amma mutum bai gane ba,

: Duniya ta zo ƙarshe.

Jagora : Eh duniya ta kusan tashi amma mutum bai gane ba,

: Duniya ta zo ƙarshe.

Karɓi : Yaf yaf yaf yaf yaf!

: Ruwan sama saka lumbayye,

Jagora : Haka!

Karɓi : Yaf yaf,

: Mai baiwa daga Allah Adam Zango.

Jagora : Haka!

Karɓi : Yaf yaf yaf yaf yaf!

: Ruwan sama saka lumbayye,

Jagora : Haka!

Karɓi : Yaf yaf,

: Mai baiwa daga Allah Adam Zango.

Adam A. Zango

Sarkin Zazzau Hanjin Jimina

Sanƙira : Gyara kimtsi,

: Gaba salamun baya salamun.

: Hadari sa gabakanka inda kake so Yariman Mawaƙa,

: Mu je zuwa, aha!

Jagora : Adam Zango mai gari,

: Yaro ne adon gari,

: O’o o, o’o o, oo,

Sanƙira : Toh, toh, to!

Amshi : Ga kambun mafarauta,

: Dogon barde hancin giwa.

Jagora : Ga mai darajar farko matsayi,

: Sarkin Zazzau hanjin jimina,

Karɓi : Kowa ya ci sai ya lalace,

: Matsayinka daban babban sarki.

Jagora : Kai duk tsananin ramar doki,

Karɓi : Kofato na nan bai ramewa,

: Haka Rabbi yake aje hikimarsa,

Jagora : To ga Sarkin Zazzau,

: Shehu Idiris mai takalman ƙare,

: Toh,

Amshi : Ga kambun mafarauta,

: Dogon barde hancin giwa.

Jagora : Ga mai darahar farko matsayi,

: Sarkin Zazzau hanjin jimina,

Karɓi : Kowa ya ci sai ya lalace,

: Matsayinka,

Jagora : Um!

Karɓi : Daban babban sarki.

Jagora : Ga mai ƙarfi Dagacin mutuwa,

Karɓi : Sankace da maciji dauji kar,

: Sarkin Zazau tafiya sannu,

Jagora : Um!

Karɓi : Ga gamji mazajen alfarma,

Jagora : Farko da na sauka garin Zazzau,

: Na yi ado na sa kubta,

: Na hau doki na sarauta,

Rawani kuma an muni mai kima,

Karɓi : Toh,

: Za shi gidan babban sarki.

Jagora : Kai Tasi’u saurara ka jiya,

: Da na sauka garin Birnin Zazzau,

: Na ga kalar matan Zazzau,

: Da ado tamkar matan Makka,

: Ga shi ina son mu yi hira,

: In ji labari na gidan sarki,

Karɓi : To amma kuma sam ba dama,

: Musulunci bai yarje ma ba.

Jagora : Um!

Karɓi : In ka bi ta zancena.

Jagora : Me ya sa na ga matan Zazzau,

: A ado sun zarce sun kera,

Karɓi : To ko tarihin tafi ɗauko,

: Sarauniyar Zazzau a Arewa,

: Ba wanda ya kai ta ajin girma.

Jagora : To gani gaban fadar sarki,

: Sarkin Zazzau mai alfarma,

: Toh,

Amshi : Ga kambun mafarauta,

: Dogon barde hancin giwa.

Jagora : Ga mai darahar farko matsayi,

: Sarkin Zazzau hanjin jimina,

Karɓi : Kowa ya ci sai ya lalace,

: Matsayinka,

Jagora : Um!

Karɓi : Daban babban sarki.

Jagora : Farfesun kunama sun san ka,

: Matsayinka daban babban sarki,

Karɓi : Kowa ya ci sai ya lalace,

: Matsayinka,

Jagora : Um!

Karɓi : Daban babban sarki.

Jagora : Yau ga ni gaban gidan sarki,

: Ina tafiya ta cikin ƙawa,

: Wai ni da zan shiga fada,

: Kamar ɗaki na ka ji wawa,

: Ko da na zo bakin ƙofa,

: Sai fadawa suka miƙe,

: Sadaukai da ido jajaye,

Karɓi : Kai gyara kimtsi bi a sannu,

: Gidan sarki ba shigifa ba,

: Jihar can Sakkwato nai zance,

Jagora : To a cikinsu akwai wani ma,

: Da babbar riga ga rawani,

: Sai na ji ya ce kai yaro,

: Ya daka mani tsawa nar ruɗe,

Karɓi : Sai munka kowa zazzaune,

: Yana mai martaba bar ka dai,

: A zatonsa kamar sarki yaz zo.

Jagora : Sai mutumin nan yam miƙe,

: Yac ce mini yaro kai taso,

: Me za kai a gidan sarki?

Karɓi : Mai martaba munka taho mu gani,

: Mun ji yanda yake adalcinsa,

Jagora : To kai yaro ya sunanka,

: Kuma kai ɗan wanne gari ne?

Karɓi : Kai Adam Zango ake ce ma,

: A Kaduna kake muka amsa mai,

Jagora : Kai Tasi’u da ba don kai ba,

: Ni ban san me zan furta mai ba,

: Toh!

Amshi : Ga kambun mafarauta,

: Dogon barde hancin giwa.

Jagora : Ga mai darajar farko matsayi,

: Sarkin Zazzau hanjin jimina,

Karɓi : Kowa ya ci sai ya lalace,

: Matsayinka,

Jagora : Um!

Karɓi : Daban babban sarki.

Jagora : To sun ƙyale duk sun yarje,

: Na shiga hanya na miƙe,

: Zan je fadar mai Zazzau,

Karɓi : Sai dai kuma ba ka san hanya ba,

: Gidan sarkin da akwai girma.

Jagora : Sai na ga al’umma zaune,

: Sun sha kaya na mutunci,

: Na yi tunanin baƙi ne,

: Ashe duka bayin sarki ne,

Karɓi : To ya riƙe daraja kimarsu,

Jagora : Um!

Karɓi : Kamar ma ba bayi ne ba.

Jagora : Da na je ni gaba na gaishe su,

: Su kuma duka sun amsa,

: Bayan kowa ya yi shuru,

: Sai na ciro magana ƙwara,

: Ni dai farko baƙo ne,

: Na zo fadar sarki ne,

: Shin ko ku ne ’yan fada?

: In kuma ku ne ’yan fada?

: Ya za a yi sarki in gan shi?

Karɓi : A’a ba mu ne fada ba,

: Ga fadar can gefen hauni,

Jagora : Sarkin Zazzau mai girma,

: Ɗawisu adon tafiya kai ne,

: Toh!

Amshi : Ga kambun mafarauta,

: Dogon barde hancin giwa.

Jagora : Ga mai darajar farko matsayi,

: Sarkin Zazzau hanjin jimina,

Karɓi : Kowa ya ci sai ya lalace,

: Matsayinka,

Jagora : Um!

Karɓi : Daban babban sarki.

Jagoa : To ga ni cikin fadar sarki,

: Wazirin Sarki na zaune,

: Ga Hakimai duka na zaune,

: Ga Fadawa na zaune,

: Sai na ga wani ɗan dattijo,

: Mai siffa kamar Balarabe,

: Ya ci ado da alkyabba,

: Ga ƙamshi mai tashin ƙawa,

: Toh!

Karɓi : Allah kare sarki,

: Ɗan Idirisa daɗo girma.

Jagora : A gaban sarki na taho na zube,

: Ina ta kirari a gabansa,

: Kura mai firgita kalbu,

: Ganga mai fatar giwa,

: Ƙarko da nagarta shi an nan,

: Fage na yaƙi sai sulke,

: Duka da bugu sai ’yan barka,

: Munjirya ka wuce kamun yaro,

: Ko babba yana shakka,

: Karya gwafa shahon ƙarfe,

: Jifa a cikin ruwa shirme ne,

: Adon sama’u kake sarki,

: Zara kake mai taurari,

: Mu dai sai sa albarka,

: Buzun bushiya ba a imma,

: Kai ni Zango a wurina,

: Duk sarakuna ai ka fi su,

: Toh

Amshi : Ga kambun mafarauta,

: Dogon barde hancin giwa.

Jagora : Sarkin Zazzau mai girma,

: Ɗawisu adon tafiya kai ne,

: Toh!

Karɓi : Allah kare sarki,

: Ɗan Idirisa daɗo girma.

Jagora : Daga nan shauƙi yak kwashe ni,

: Na ci gaba da kirarin mai girma,

Karɓi : Sarari mai ƙare gudun doki,

: Tsawa sa karkarwa.

Jagora : Toh, toh!

Karɓi : Tsakar dare hana tafiya,

: Ragayar dutse ajalin yaro.

Jagora : Um!

Karɓi : Allah kare sarki,

: Ɗan Idirisa daɗo girma.

Jagora : You are the man of the people,

: You are the last man standing,

: You are the almighty king,

: Shin a Arewa kuwa dak kamarsa?

: Toh!

Karɓi : Kai Zango ka saita batunka,

: Don kana gaban sarki ne.

Jagora : Bari Tasi’u sai na ƙara,

: He is the greater than Sarakuna,

Karɓi : You are special ɗan Zango,

Jagora : Well done,

Karɓi : Turancin sai mun ɗana.

Jagora : Rabi kare Sarkin Zazzau,

: Mai martaba ubana babba,

Amshi : Ga kambun mafarauta,

: Dogon barde hancin giwa.

Jagora : Ga mai darajar farko matsayi,

: Sarkin Zazzau hanjin jimina,

Karɓi : Kowa ya ci sai ya lalace,

: Matsayinka,

Jagora : Um!

Karɓi : Daban babban sarki.

Sanƙira : Gyara kimtsi,

: Gaba salamun baya salamun.

: Hadari sa gabakanka

: Yariman mawaƙa mu je zuwa

: Ahah!

Jagora : Adam Zango mai gari,

: Yaro ne adon gari,

: O’o o, o’o o, oo,

Adam A. Zamgo

Tsumagiya

Jagora : Tsumagiya!

Amshi : Gumban dutse,

: Igiyar ruwa mai sartse,

: Ragayar dutse,

: Ajalin mai ɗaki sai jigo.

Jagora : Toh, toh, toh!

: Shi ɗan Adam mai cin zali nasa,

: Na sama ke take na ƙarƙasa,

: Babu imani a zuciyarmu,

: Yanzu kowa tasa yake,

Karɓi : Tasa,

: Kun ji Adam Zango,

Jagora : Um!

: Zantuka zai ƙirgo,

Jagora : Um!

Karɓi : Ku saurara ku ji zancensa,

Jagora : Toh, toh, toh!

Karɓi : Abin da Zango ya hango.

Jagora : E.. na faɗa na ƙara,

: Ɗan’adam ba ya tsoron Allah,

Karɓi : Um!

Jagora : Sannan a cikinsu ƙalilan,

: Wasu ke aikin Allah

Karɓi : Um!

Jagora : Wasu sun samu duniya,

: Suna ta ɗibar daula,

Karɓi : Um!

Jagora : Wasu ko ba su da komai,

: Kullum idonsu da ƙwalla,

Karɓi : E, mutaimaka don Allah,

Jagora : Wayyo!

Karɓi : Mu so juna da amana.

Jagora : Um!

Karɓi : Sannan mu zauna lafiya.

Jagora : Aha!

Karɓi : Mu canza halayenmu,

: Saboda rayuwar ga ba ta da tabbas,

Jagora : Eh...

Amshi : Gumban dutse,

Jagora : Toh,

Karɓi : Igiyar ruwa mai sartse,

Jagora : Uhum!

Karɓi : Ragayar dutse,

: Ajalin mai ɗaki sai jigo.

Karɓi2 : Um! Malam Adam Zango,

: Ga tambayata zan yi maka,

: Rayuwa da akwai matsala,

: Da me da me fa ka fuskanta.

Jagora : Kai, El-Mu’az bari zancen nan!

: Rayuwarmu akwai muni,

: Kowa duk ya juye,

: Hausawa sun juye,

: Yaren ma duka sun juye,

: Ka ga ’ya ta bunƙasa,

: Ba aure sai dai yawo,

Karɓi2 : Kai dakata Malam Zango,

: Ai laifin na samari ne!

Jagora : A’ a’a na iyaye ne,

: Wasu sai ka ga sun ba ’ya’ya,

: Na ta ɗaukan nauyinsu,

Karɓi2 : To hakan wai baiwa ce?

Jagora : Kai El-Mu’az wace baiwa ce,

: Za ka ga ’yarka cikin daula,

: Ba ka san sana’arta ba ma,

: Za ka ga wai ta sai Hala,

: Rayuwa sai lahaula!

Karɓi : Adam Zango akwai illa?

Jagora : E, tabbas fa akwai matsala,

: Burin kowa dai daula,

Karɓi : Kai

: Gumban dutse,

Jagora : Toh,

Karɓi : Igiyar ruwa mai sartse,

Jagora : Uhum!

Karɓi : Ragayar dutse,

: Ajalin mai ɗaki sai jigo.

Jagora : Eh... iyaye dole ku yo tsari,

: Ku dinga bincika ’ya’yanku,

: Ko yo tarbiyyar ’ya’yanku,

: Waɗannda Allah yab ba ku,

: Ku ƙaunaci ’ya’yanku,

: Sai Allah ya ji tausanku.

Karɓi : Yarima fa ɗan Zango,

: Wasu sun ce ka kwafsa,

: Wai don ka faɗi halinsu.

Jagora : Kai ƙyale su da shirmensu,

: Da ma kowa ya san su,

: Mai son ya ji sunansu,

: Ya bi ni zan zazzano su,

Karɓi : A’ a’a Zango da ka bar su,

: Do ni ma ai na san su,

Karɓi2 : Zango mai zamani,

: Ya ka ga wannan zamani?

Jagora : El-Ma’az da ka bar ni,

: Halayen fa akwai muni,

: An yarda akwai ƙaddara,

: Ta zo sai fa a ce Allah,

: Gidanka da ya ƙone,

Karɓi : Ka ji an ce yin haka sai Allah!

Jagora : Motarka da an sace,

Karɓi : Ka ji an ce yin haka sai Allah!

Jagora : Ga wani ya rasa matarsa,

: Ga wani ya rasa ’ya’yansa,

Karɓi : Sai a gaya maka yin haka sai Allah!

Amshi : Gumban dutse,

Jagora : Toh,

Karɓi : Igiyar ruwa mai sartse,

Jagora : Uhum!

Karɓi : Ragayar dutse,

: Ajalin mai ɗaki sai jigo.

Karɓi2 : Malam Zango,

: Wai ya zancen Naira?

Jagora : To in ka yi kuɗi yanzu,

: Ba a gaya maka sai Allah,

: Sai a ce ai mun san shi,

: Da can ba shi da ko sisi,

: Daga ya bi su Lasisi Abuja,

: Kila suka sisi,

: Ko jini ko kan yaro,

: Ko kuma an bi ta bayan shi,

Karɓi : Ka ji sun mata akwai Allah!

: Da ya yay talauci yay daula.

Jagora : E...

Karɓi : Kun ji Adam Zango,

Jagora : Um!

Karɓi : Zantuka zai ƙirgo,

Jagora : Um!

Karɓi : Ku saurara ku ji zancensa,

Jagora : Toh, toh, toh!

Karɓi : Abin da Zango ya hango.

Jagora : E.. ka ga zance addini,

: Abin ya canza kalar launi,

: Da Bahaushe ya ɗauka,

: Cewa shi ne mai addini,

Karɓi : A’a wanda duk ko ya ɗau Allah,

: Da Muhammadu manzonsa,

: To Musulunci ne tsani.

Jagora : Idan Iyamuri na salla,

Karɓi : Sai ka ji an ce wai tubabbe ne,

Jagora : Katafawa na salla,

Karɓi : Sai ka ji an ce tuba ne,

Jagora : Idan Igala ya ce Allah,

Karɓi : Ka ji an ce sabon tuba ne,

Jagora : In ka ga ɗan TV na salla,

Karɓi : Shi ma sai ka ji tuba ne,

Jagora : E, to ku sani a gurin Allah,

: Dukkaninku Musulmi ne,

: ’Yan’uwan kuma juna ne,

: Ƙur’aninmu guda ɗaya ne,

Karɓi : Eh

: Kun ji Adam Zango,

Jagora : Um!

Karɓi : Zantuka zai ƙirgo,

Jagora : Um!

Karɓi : Ku saurara ku ji zancensa,

Jagora : Toh, toh, toh!

Karɓi : Abin da Zango ya hango.

Jagora : Eh..

Amshi : Gumban dutse,

Jagora : Toh!

Karɓi : Igiyar ruwa mai sartse,

Jagora : Uhum!

Amshi : Ragayar dutse,

: Ajalin mai ɗaki sai jigo.

Karɓi : Adamu ya maganar waƙa,

: Don wasu sun ce shirme ce?

Jagora : Kai waƙa ai baiwa ce,

: In ka iya ta ko ka dace,

: Don jahili ba ya waƙa,

Karɓi : Wasu sun ce laifi ce,

: Da ka fara ta ka kauce?

Jagora : Kai ƙyale duka sun zauce,

: Sana’ar waƙa ilimi ce,

: In ka tsaftace harshenka,

: Ka gyara tunani ka dace,

Karɓi : Na gane tunaninka,

: Zango ni ma na auna.

Jagora : Ai kowacce irin sana’a,

: Za ka samu wutarka da aljanna,

: Gatan Zango waƙa,

: Ilimin Zango waƙa,

: A cikinta ko nai jari,

: Kuma ba na yin ƙari,

: Kai gorin ilimin boko,

: Ni kuma Zango akwai jari,

: Sana’ata ga tsari,

: Ni na yo ilimin bokon,

: Ƙarshe waƙa ce jari,

: Kai ku ji Allah mai khairi,

Karɓi : E Zango dodon waƙa,

: Me za ka ce wa abokanka?

Jagora/ : Allah shi muku albarka,

Karɓi : Mai barci kuma yaf farka,

: Im mun ilimin bokon,

: Sana’ar hunnu mu ɗan kama,

: Wani walda yak kama,

: Waɗansu su je su yi kafinta,

: Wasu na gyaran famfo,

: Waɗansu na aikin doki,

: Wasu ’yan fim ne malam,

: Waɗansu na harkar waƙa,

: Wani na ɗaukar hoto,

: Waɗansu na turin baro,

: Wanda duk ya riƙe sana’a,

: Allah kai masa kai albarka,

: Don wata rana ya zam zaki,

: Nan shi ne ƙarshen waƙar

Sa ido sana’ar banza!

Adam A. Zango

Sharafi

Jagora : Eye, ku zo ku ji tarihina,

: Labarin yaro Ado,

: Sharafi, sharafi,

Amshi : Ku zo ku ji labarin,

: Tarihin yaro Ado,

: Yaro mai sharafi,

: Sharafi sharafi.

Jagora : Ga ta nan ga ta nanku,

Karɓi : Ta zo mu ji ta,

: Sharafi.

Jagora : Ku sani dai,

: A Kaduna State aka haifan,

Karɓi : Yaro mai sharafi.

Jagora : Gari na mahaifa,

: Zango ne shi ne taken,

Karɓi : Yaro mai sharafi.

Jagora : Tun ina ƙaramina,

: Abbana ya yi macewa,

Karɓi : Yaro mai sharafi.

Jagora : Allah ka jiƙan,

: Ibraahima can a kushewa,

Karɓi : Allah amin.

Jagora : Ina gani da idona,

: Tarzoma an yi a gabana,

Karɓi : Allah ya kiyaye,

Jagora : Ina kallo,

: An kashe yayyena a gabana,

Karɓi : Allah ka jiƙansu da gafara.

Jagora : Don haka ne,

: Nak koma Jos gun kawuna,

Karɓi : Yaro mai sharafi.

Jagora : Can nai makaranta,

: Boko har ma Islama,

: Sharafi,

Karɓi : Yaro mai sharafi.

: Yaro mai sharafi.

Amshi : Ku zo ku ji labarin,

: Tarihin yaro Ado,

: Yaro mai sharafi,

: Sharafi sharafi.

Jagora : Na kamala sakandare,

: Sai karatu yay y tsayawa,

Karɓi : Yaro mai sharafi.

Jagora : Ba aikin yi,

: Babu kuɗin da zan yi kashewa,

Karɓi : Yaro mai sharafi.

Jagora : Sai nai yi tunani,

: In shiga fim ɗin Hausa,

Karɓi : Yaro mai sharafi.

Jagora : Sai na tattara kayana,

: Nat tafi tashan mota,

Karɓi : Yaro mai sharafi.

Jagora : Sai direba ya ce min,

: Wai ina za ka je Ado?

Karɓi : Yaro mai sharafi.

Jagora : Sai na ce garin,

: Mai Martaba Sarki Ado,

Karɓi : Yaro mai sharafi.

Jagora : Kanon Dabo,

: Ko da mai ka je an fi ka,

Karɓi : Yaro mai sharafi.

Jagora : Sai ga ni Fage,

: Na sauka gidan innata

Karɓi : Yaro mai sharafi.

: Yaro mai sharafi.

Jagora : Sharafi sharafi,

Amshi : Ku zo ku ji labarin,

: Tarihin yaro Ado,

: Yaro mai sharafi,

: Sharafi sharafi.

Jagora : Washe gari na je,

: …

Karɓi : Yaro mai sharafi.

Jagora : Lense Cope Media,

: Gun Salisu Mu’azu,

Karɓi : Yaro mai sharafi.

Jagora : Nas same shi,

: Salisu yai mini marahabin,

Karɓi : Yaro mai sharafi.

Jagora : Ya ba ni abinci,

: Na ci nai ƙat ban manta ba,

Karɓi : Yaro mai sharafi.

Jagora : Bayan na huta,

: Ya ce kai Adam Zango!

Karɓi : Yaro mai sharafi.

Jagora : Me ya kawo ka,

: Mene ne kaz zo yi nema?

Karɓi : Yaro mai sharafi.

Jagora : Na ce Oga,

: Na zo ne nai fim ɗin Hausa,

Karɓi : Yaro mai sharafi.

Jagora : In zama kamar,

: Ali Nuhu ko S. Nuhu,

Karɓi : Yaro mai sharafi.

Jagora : Sai yai dariya,

: Ya ce Allah zai yi ma,

: Sharafi,

Karɓi : Yaro mai sharafi.

: Yaro mai sharafi.

Jagora : Sharafi sharafi

Amshi : Ku zo ku ji labarin,

: Tarihin yaro Ado,

: Yaro mai sharafi,

: Sharafi sharafi.

Jagora : A kwana a tashi,

: Sai ga ni ina yin kiɗa,

Karɓi : Yaro mai sharafi.

Jagora : A kwana a tashi,

: Sai ga ni ina yin waƙa,

Jagora : A kwana a tashi,

: Sai ga ni a fim ɗin Hausa,

Karɓi : Yaro mai sharafi.

Jagora : Har na yi suna,

: Na kere sa’annina,

Karɓi : Yaro mai sharafi.

Jagora : Jama’a sun sanni,

: Duk mai kallon fim ɗin Hausa,

Karɓi : Yaro mai sharafi.

Jagora : Kowa ya sanni,

: Idan yana jin waƙar Hausa,

Karɓi : Yaro mai sharafi.

Jagora : Ai dole ka sanni,

: Idan kana jin kiɗin Hausa,

Karɓi : Yaro mai sharafi.

Jagora : A fage na kiɗa,

: Danko ai shi ne ogana,

Karɓi : Yaro mai sharafi.

Jagora : A fagen waƙa,

: Bily O ne ogana,

Karɓi : Yaro mai sharafi.

Jagora : A fagen shirin Hausa,

: Ali Nuhu ne ogana,

: Sharafi,

Karɓi : Yaro mai sharafi.

Amshi : Ku zo ku ji labarin,

: Tarihin yaro Ado,

: Yaro mai sharafi,

: Sharafi sharafi.

Jagora : Na zauna da mutane,

: Masu ɗimbin ƙauna ta,

Karɓi : Yaro mai sharafi.

Jagora : Ali Nuhu,