Skip to main content

BA A KARYAR ILIMI

 

Ba A Ƙaryar Ilimi

Nan Arewa aka taɓa gayyatar wasu malamai don su yi wata sauka, akwai wani na nan wai shi Kuran Baƙi Mijin-Yagwalgwal, tun kafun ya iso an kambama shi kowa ya razana da shi, ka san irin lokacin nan ne da masu sana’o’i ke tsoron tsararrakinsu, da an gamu sai ka ji suna ce da junansu sargu wai su a kau da ido daga abin da suke yi, shi ne da addini ya zo ya hana ya ce komai a nema a wurin Allah. Su kuwa gardawa musamman mara sa tsoron Allah a wannan lokacin in ka gamu da su sai dai Allah Ya ƙwace ka.

Ana nan ana ta shirin karatu sai ga Kuran Baƙi nan ya iso da yaransa biyu, ɗaya na riƙe da buzunsa na zama  da gafaka ɗaya yaron kuma na ɗauke da butarsa ta alwala, da isowarsa sai ɗaya daga yaransa ya ɗau kirari, Kuran Baƙi Mijin-Yagwalgwal, Kuran Baƙi yau ga ranarka . Ya zo aka shimfiɗa masa buzu ya zauna, alarammomi suka yi ta kawo gaisuwa yana ce da su ingwayya, ya ce ya gaji amma a ci gaba da karatu idan aka kawo “Ƙala” a tashe shi ya idasa. Ya kishingiɗa, sai barci.

Aka ci gaba da karatu har aka kawo “Ƙala alam aƙullaka innaka lan tastaɗi’a ma’iya subara”, ta cikin Suratul Kahafi, sai aka tuna aka ce kai aiko Kuran Baƙi ya ce idan an kawo ƙala a tashe shi ya idasa, sai kuma aka rasa wanda zai tashe shi kowa na tsoro, can sai wani ya yi kasada ya ɗauki kirari kamar yadda ya ji yaronsa ya yi, Kuran Baƙi Mijin-Yagwalgwal, Kuran Baƙi ga ranarku, Kuran Baƙi a tashi a idasa, can dai aka yi dace Kura ya ji, ya yi wata miƙa, ya kalli yaronsa mai riƙe da buta ya miƙa hannu yaron ya zuba masa ruwa ya kurkure baki ya wani zubar da ruwan irin na manyan malamai, ya kalli alarammomin nan ya ce da su an kawo ba? suka ce i, an kawo, ya ce kun yi naku saura nawa, sai ya fara, sai ya nuna manuninsa sama yana saukewa yana darzawa a ƙasa yana cewa, “Ƙala a saɗirul lawwalin.” Yana ta maimaitawa.

Alarammomi da suka ga haka sai suka gane Kura fa bai san komai ba don su idan suke nufi sun tsaya daban shi kuma inda ya ɗauko daban kuma aya ɗaya ya sani, daga nan sai wannan ya kalli wannan ya ce kai ar ya tashi ya tafi abinsa haka da suka waste suna yi suna faɗa masa maganganu na tozarci.  

Abin Da Aka Koya A Labarin

§  Ba a ƙaryar ilimi.

§  Duk ranar da ka yi ƙarya aka gane, girmanka ya zube.

§  Kowa na girmama mai ilimi.



MMuhammad Bello Falama


https://youtu.be/rXv3dO0ZzyQ

 

 

 

 

 

 

Comments

Post a Comment

Popular posts from this blog

Ranar Hausa

Ranar Hausa Ta Duniya Inda Gizo Yake Saƙarsa: Hausa Ci Gaban Mai Ginan Tukwane Ko Ci Gaban Mai Haƙar Rijiya? 26/08/2023 Shin wannan ba son uwar dawa kawai ake yi wa harshen Hausa ba, har ma da romon baka. Akwai rubuce-rubuce da yawa da aka yi cikin harshen Hausa da suka haɗa da: Rubutattun waƙoƙin Hausa Waƙoƙin baka Rubutattun waƙoƙi na zamani Waƙoƙin baka na zamani Rubutaccen wasan kwaikwayo Wasan kwaikwayo na rediyo da na talabijin da na kuma bidiyo Wasan kwaikwai mai JERENGIYA (mai goyo ko mai dogon zango) Jaridu da mujallu na Hausa Gidajen rediyo da na talabijin da ake gudanar da su da Hausa Jami’o’i da kwalejin ilimi da na kwalejin kimiyya da fasaha da ake nazarin Hausa Sai dai wa ke karantar Hausa a mataki na JAMI’A ko KWALEJIN ILIMI ko KWALEJIN KIMIYYA DA FASAHA? Wa ke so ɗansa ya karanta Hausa a kowane irin mataki? Me ya sa a lokacin ɗaukar jarrabawar SAKANDERE yaranmu ba sa so su sanya Hausa a cikin jerin takardun da suke so su rubuta? Me ya sanya a swance ko ...
Post a Comment
https://youtube.com/user/mbfalama

Hausa Karin Magana

29/11/2019 Duk wanda ya ɗauki namiji uba, zai mutu maraya. Duk wadda ta ɗauki namiji uba, za ta mutu marainiya. Duk wanda ya ɗauki namiji uba, za ta mutu ba a mata gara ba. Namiji ba ɗan goyo ba.  Salon Tsari Na Karin Maganar  Duk waɗannan karin maganganu ne na Hausawa kuma sun hau kan tsari. Idan aka duba za a ga karin magana ce mai ɓarayi biyu: Sashen farko: Duk wadda ta ɗauki namiji uba, = gaɓoɓi 11 Sashe na biyu: Za ta mutu mareniya. = Gaɓoɓi 8 Duk wadda ta ɗauki namiji uba/ za ta mutu marainiya. 11/8 Wannan salo ne da zubi na karin maganar Hausa, wani lokaci za a ga sashen dama ya fi yawan gaɓoɓi, wani lokaci kuma hagu ya fi yawa, a wasu wuraren kuma su zama ɗaya, amma kuma za a ga ma’ana ta tafi yadda ake so ba tare da ta ɓaci ba. Yadda Ake Amfani Da Karin Maganar Mata su suka fi amfani da wannan karin maganar, kuma suna amfani da ita ne a lokacin da namiji ya yi masu ba daidai ba, sai su faɗi wannan karin maganar da nufin su nuna masa cewa, ai da ma suna san...
Post a Comment
https://youtube.com/user/mbfalama

JERIN SARKE A WAKOKIN BAKA NA HAUSA NA MUHAMMAD BELLO FALAMA 2015

Babi Na Ɗaya Gabatarwa 1.1      Shimfiɗa Waƙa, walau ta baka ko rubutacciya, wani muhimmin ɓangare ne na adabin al’umma. Masana sun yi nazarce-nazarce da dama kan jigo da salo, da kuma zubi da tsarin ire-iren waƙoƙin da ake da su na Hausa. Ta fuskar irin waɗannan nazarce-nazarce ne aka gano saƙonni da salo da kuma zubi da tsari da ma wasu abubuwa na daban da suka ƙunsu a cikin waƙoƙin baka na Hausawa. Wannan nazari ya ɗora ne a kan ire-iren nazarce-nazarcen da aka yi kan waƙoƙin baka na Hausawa, inda aka ɗauki jerin sarƙe aka nazarce shi. An ga yadda yadda maimai ke taka rawa wurin haifar da jerin sarƙe nau’o’insa. Jerin sarƙe, zance ne wanda aka sarƙa a falan biyu ko fiye, wato inda aka samu daidaito na sunaye ko yankuna ko kalmomi ko aka samu wani irin zubi mai burgewa, da aka samu ɓuraɓusai a cikinsa. An yi bayanin nau’o’in jerin sarƙe da suka haɗa da “Cikakken Jerin Sarƙe” da kuma “Ragagge Jerin Sarƙe”, tare da la’akari dadalilan da suke haif...
Post a Comment
https://youtube.com/user/mbfalama